1. |
Lítil Dýr
05:17
|
|||
Eins og lítil dýr í dimmu húsi,
við erum ung og villt.
Við hittumst þar og leikum okkur,
skítug og spillt.
Skiptumst á beittum orðum, beittum brögðum.
Það má enginn vita hvað við gerðum, hvað við sögðum.
Við bítum, klórum, breytum grimmd í losta.
Gerum allt sem ekki má hvað sem það mun kosta.
Okkur er sama hvað er rangt og sama hvað er bannað.
Þetta eina skipti skiptir öllu máli,
ekkert annað.
Leyfðu mér að vera vond.
Voðalegur hamagangur á þér.
Reittu upp reiðina, springdu og spurðu svo
Hvað amar að mín kæra meyja?
Tilfinninga, óróleika,
óstabíla þyngdarlögmál undirmeðvitundarinnar.
Skapstyggi andskoti, ekki rífa svona fast í hárið á mér
skildu mig svo eftir, þakta í blóði mínu.
Hvíld eftir óróleikann, týnd í eigin hugsunum.
Smátt og smátt fer fólk að forðast líkama minn.
|
||||
2. |
Næturdætur
01:06
|
|||
Útipúki!
Reykjavíkurnæturdætur
daðra við drottnarann
og dimmrauðir tónar
tæma nóttina.
|
||||
3. |
Mánadans
04:00
|
|||
Fætur mínir skeika í skini silfurmána
sem bíður mér þögullar nætur.
En lítil stúlka illa lætur og stígur villtan
vangadans við nóttina.
Hratt hún dansar í hundrað hringi
meðan myrkrið magnast upp
í kringum hana og innra með henni
og henni líður betur.
Hún veit hvað hún vill
og hún veit hvað hún getur.
Hún gerir það mikið,
hún fer yfir strikið.
Týnd í sýndarveruleika.
Reika í óraunveruleika
og leik mér að því sem ekki er.
Veik og sama hver, allir vilja bjarga mér
á meðan ég vil farga því sem er.
Sólin sest og hún blotnar,
sólin rís og hún brotnar.
Hún líkist ekki neinum í hundrað og einum,
en á föstudögum trúlofast hún nóttinni.
|
||||
4. |
Umskiptingur
04:26
|
|||
Ég man, ég var á rölti ég var kannski 7 ára
Ég man, ég heyrði söngva, sem sögðu mér að koma
Ég ráfaði og stökk á milli mosagróinna steina
Þegar ég sá álfakvenndi, fallega og rjóða.
Ég var sýkt og ég var veik og ég fann ekki leiðina heim.
Hún sat á hvítum hesti og sagði mér að elta sig
Að álfasteininum sjálfum
Þar voru hennar fjölskylda og þau gáfu mér að borða
Álfabrauð með osti
Þarna leið mér vel og ég vildi ekki fara.
Ég var sýkt og ég var veik og ég mig langaði ekki heim
Á milli tveggja heima, hvar á ég heima?
Á milli lífs og dauða, hvar á ég heima?
Umskiptingur, umskiptingur, umskiptingur.
Á milli tveggja heima, hvar á ég heima?
Á milli lífs og dauða, hvar á ég heima?
|
||||
5. |
Yndisdráttur
02:21
|
|||
Komdu nær minn kæri.
Sleiktu mig með orðum þínum,
snertu mig með augum þínum,
grænum, daufum.
Ég finn lykt líkama þíns.
Leyfðu henni að fylla mig,
mig alla og meira og meira.
Hvert ferðu
þegar nóttin kemur?
Þú segir góða nótt við mig
á kvöldin, þegar við erum saman
en þegar sólin skín
ertu blindur.
Ég veit að nóttin fer mer vel
en hugsar þú um mig?
Tek ég mikið pláss?
Lúmskur ertu andskoti.
Leikur að lyfjum
og leyfir mér leikinn.
Hratt en bítandi bítur gleðin mig,
gufar svo upp eins og reykur.
Nei, nú er nóg komið minn kæri
ég elskaði þig ekki
þótt þú þættist þekkja mig,
þótt þú þættist elska mig,
eins og svo oft var ég að blekkja þig.
Segðu mér sannleikann siðlausi skratti.
Förum til fjandans og gerum það saman
… saman.
|
||||
6. |
Ekkert nema ég
02:34
|
|||
Ég mun syngja fyrir heiminn, svo þau finni loksins til
Ég mun syngja svo þau sjái það sem blundar inn í mér.
Ég mun syngja svo þau gráti
Ég mun syngja svo þau elski, eins og ég.
Ég mun reykja heiminn
Gleypa stubbinn
Svo að ekkert verði eftir nema ég
Ég er Guð, ég er Guð, ég er Guð
Ég mun sjá heiminn brenna
Ég mun sjá hann ljóma
Ég er föst í stjörnuþoku
Og einn daginn mun ég springa
Ég er það fallegasta sem ég hef
Nokkurntíman séð.
Ég mun reykja heiminn
Gleypa stubbinn
Svo að ekkert verði eftir nema ég
Ég er Guð, ég er Guð, ég er Guð
Ég mun sjá heiminn brenna
Ég mun sjá hann ljóma
Ég er Guð!
|
||||
7. |
Ástarljóð
03:28
|
|||
Hvernig gátu hunangsgylltar hlíðarnar
og bjargvættar bláminn í björgunum
skyndilega skotist á brott.
Skelfingar skugginn er kuldalegur,
vorið var vonbrigði
og sumarið þrældómur vetrarins.
Ég er volandi vændiskona,
veggja sem hindra mína
gleði og glæstu framtíðar drauma.
Ég man þegar ég speglaðist
í gullslegnu vatni
og sá sjálfa mig brosa.
Svanurinn sem kenndi mér
forðum að fljúga
er nú farinn, floginn á brott.
Og ég sit hérna eftir,
alveg vængjalaus
og velti því fyrir mér
hvort ég fái nokkurn tíma aftur að fljúga.
Ég festi mig við arfa í garðinum.
Hjartað mitt er að springa.
Skelfingar skjálfti í líkama mínum
ríkir og reiðin er óflýjandi.
Líkami minn er ólgusjór
og ég vona að þið drukknið öll með mér
Hjartsláttur minn er óreglu öldugangur
og lungun mín fyllast af vatni.
Ég vona að þú farir til helvítis, ástin mín,
svo ég fái kannski að hitta þig aftur.
|
||||
8. |
||||
Svífa svartir svanir
sínum vængjum á
yfir háar hæðir
og hæðast að mér.
-þeir spurðu mig, mín kæra,
hvurslags vængi ég bæri
á berum herðum mér.
Þeir sögðu mér að fljúga.
Svo ég flaug og sá þá aldrei aftur
en ég heyrði þeirra hæðnis hlátur
bergmála í björgunum
sem voru það síðasta sem ég sá.
Þú þarft ekki spítt eða kókaín, elskan mín,
reyktu mig, sleiktu mig, mölvaðu og snortaðu.
Settu í skeið og bræddu mig og sprautaðu mér í þig og finndu hvað ég tek mikið pláss.
Finndu fyrir sprengingunni inní þér, ástin mín, hvernig þú stækkar og líkaminn þolir ekki meir.
Svo þú springur og jörðin er hringur, sem þú vefur þig utan um
og lekur milli steinanna, fyrir aftan bar 11.
Og þú faðmar alla jörðina og þú finnur loksins fyrir þessari hamingju.
Þetta er það sem ég kalla gleði.
En ég ber þennan dóm, og ég lækka minn róm
Og ég man fyrst þegar ég fæddist
Ég er frumburður og einkabarn nýs hugmyndaheims
Eins og kommúnismi er ég falleg hugsun en ég verð aldrei að raunveruleika.
Í almyrkvuðum hellum
ég ríkjum ræð og drottna
ég sé mig sjálfa rotna og
í eigin svita og táraflóði sit ég bara og blotna.
Ég nærist á þeim lífverum
sem sína mér ekki lotningu
hver elskar ekki sína eigin drottningu?
Í dauða djúpum
dreka drunum
drýp ég dögg.
Í sárum mínum
og syndaflóði
flýt ég um.
blóði borin
brýt ég bein mín
bráðum kemur sólin.
Ég veit að raunveruleikinn
er þarna einhversstaðar.
en ég kemst ekki nær og ég er búin að reyna.
Ætli það sé óhollt að láta sig dreyma?
|
||||
9. |
Reykjavík til staðar
04:22
|
|||
10. |
Streaming and Download help
If you like Kælan Mikla, you may also like:
Bandcamp Daily your guide to the world of Bandcamp