1. |
Kælan Mikla
05:07
|
|||
Ég var eitt sinn barn, alveg eins og þið
en myrkrið gleypti mig alla,
lét mig falla í nýstingskalt tómið,
fraus, en nú er ég laus.
Ég er rödd sem var bæld niður í hundruði ára,
af kuldanum kvödd í holdgervi tára
kökkul í háls, en nú er ég frjáls
og ég frýs ykkar brothættu sálir.
Er ég rís upp úr öldunum, hál eins og ís,
brjáluð og brýst út í brimkenndan dans,
ég er ekki lengur hans.
Ég er Kælan Mikla.
Komin á kreik, í kvikyndisleik,
gerð til að kvelja, meðal manna dvelja,
er ég frysti, rist´ykkur á hol.
Mála bjarta veröld ykkar svarta.
Ég er kveðskapur brotinna hjarta.
Ég er Kælan Mikla.
|
||||
2. |
Myrkrið kallar
03:12
|
|||
Ég heyri myrkrið hvísla kalla
finn mig knúna til að falla
rigna yfir veröld alla
leysast upp.
Tómið opnast upp á gátt
myrkrið tekur allan mátt.
Ég er knúin að falla.
Veruleiki visnar
moldin hvíslar komdu heim.
Ég er knúin til að falla
Þú ert knúin til að falla.
|
||||
3. |
Líflát
04:09
|
|||
Þú hrekkir mig og blekkir
drekkir mér og ég kafna,
það er svo langt til næstu hafna
og ég hef ekki löngun til að synda.
Svo ég held áfram að binda mig við öldurnar
þar sem ég flýt og fylgi veðrinu.
Nú er logn og ég lygni aftur
kraftlausum augum
sem að hanga yfir bólgnum baugum
þar sem ég drekkti mér í gær
í drykkjum sem drepa
og leka svo niður
í farveg dansspora
sem stjórnast af lauslátum líflátum.
|
||||
4. |
Sýnir
03:05
|
|||
Ljósið blindar lýgur
myrkrið sýnir sannleikann
sem týnist sýnist
skaðlegur en síðar
munt þú skilja.
Ég er fín kona
en klædd í kókaín,
vín, vona að vorið komi brátt
bráðum verði hlýtt,
eitthvað nýtt.
Ég er sú sem alltaf þagði,
ég er sú sem aldrei sagði;
Ég leita í harðari efni
í vöku og svefni.
|
||||
5. |
Upphaf
03:47
|
|||
Þú finnur ekki lengur mun á ljósi eða dimmu,
þú finnur hjartað kólna og breytast í hrafntinnu.
Nóttin víkur fyrir þér, þú verður nóttin.
Þetta er bæði upphafið og flóttinn.
Því þú dansar rauðan dans,
og þú drekkir þér í dauða hans.
En svo brennur allt til ösku,
og þú umturnast í öskur.
|
||||
6. |
Kalt
03:51
|
|||
Hún grætur milli húsasunda
tárin renna milli múrsteina
hún vonar að vorið vakni
sorgin upp rakni.
Afhverju er alltaf kalt?
Afhverju er ljósið svart?
|
||||
7. |
Óráð
05:19
|
|||
Drekki mér í eitri til ég týnist.
Drekktu mér í eitri til ég týnist.
Reykjavík engu lík sýnist
en martraða draumóra-drunganum háð.
Ég er bráð. Óráð! Óráð!
Hennar bráð. Óráð! Óráð!
Dreymir um að gleyma mér,
streyma í allt annan hugarheim.
Veit ekki hvað er heim.
Hraðar og hraðar ég leita,
reika að vitlausum hornum,
en kem að þeim horfnum.
Horfnum hornum.
|
||||
8. |
Glimmer og aska
07:20
|
|||
Glimmer og aska.
Tóm bjórflaska
Drottningadraumórar.
Dansandi taumlausar.
Grámyglaðir lokkar
götóttir sokkar.
Þið eruð föst í svörtum hring
spegilmynd og sjónhverfing.
Baða mig í gleri
enginn sér mig.
Í herbergi fullu
af handklæðum og lökum
af mínum eigin sökum
og heilans ragnarrökum.
Gefðu fiskunum að borða.
Það ætti að flengja,
stelpur eins og þig.
Ekki koma nær.
Mig langar bara að leika
ég er þreytt á því að reika
og leita að morgundeginum
sem aldrei kemur.
Ekki koma nær.
Þið sitjið kannski á fremsta bekk
en þið fáið ekki að snerta.
Ekki koma nær
|
Streaming and Download help
If you like Kælan Mikla, you may also like:
Bandcamp Daily your guide to the world of Bandcamp